रेडस्टार माविमा प्रदेश प्रमुख खापुङ : “नेपाल विविध जातजाति, भाषाभाषी र संस्कृतिको साझा फूलबारी हो”

भोजराज घिमिरे शनिबार, भाद्र १४, २०८२

रेडस्टार माविमा प्रदेश प्रमुख खापुङ : “नेपाल विविध जातजाति, भाषाभाषी र संस्कृतिको साझा फूलबारी हो”

पथरी शनिश्चरे, भदौ १३ गते ।
कोशी प्रदेश प्रमुख पर्शुराम खापुङले नेपाललाई विविध जातजाति, भाषा, धर्म र संस्कृतिको साझा फूलबारी भन्दै राष्ट्रिय अखण्डता र एकतालाई मजबुत बनाउनुपर्नेमा जोड दिनुभएको छ।

उहाँले शुक्रबार मोरङको पथरी शनिश्चरे–२ मा रहेको श्री रेडस्टार अङ्ग्रेजी माध्यमिक विद्यालय तथा ऋतम्भरा कलेजले आयोजना गरेको स्वागत तथा अभिमुखीकरण कार्यक्रममा बोल्दै विविधतालाई स्वीकार गर्दै साझा पहिचानमा अघि बढ्नु आजको आवश्यकता भएको बताउनुभयो।

कार्यक्रममा विद्यालयका निर्देशक तथा प्रिन्सिपल टी.एन. तिम्सिनाले संस्थाले सात वर्षदेखि निरन्तर उत्कृष्ट शैक्षिक नतिजा ल्याउँदै आएको जानकारी दिनुभयो। उहाँका अनुसार, हालै प्रकाशित राष्ट्रिय परीक्षा बोर्डको नतिजामा कक्षा १२ का चन्दन शाहले ३.९६ जिपिए ल्याउन सफल भएका छन्। शाहलाई प्रदेश प्रमुख खापुङ र नेपाली चलचित्रका महानायक राजेश हमालले सम्मान गर्नुभएको थियो।

सोही अवसरमा राजेश हमालले रेडस्टार मावि र ऋतम्भरा कलेज एक अब्बल दर्जाको शैक्षिक केन्द्रका रूपमा स्थापित भएको उल्लेख गर्दै विद्यार्थीलाई थप शैक्षिक उन्नतिका लागि शुभकामना दिनुभयो। उहाँले कक्षा ११ र बि.बि.एस. प्रथम वर्षका नयाँ विद्यार्थीलाई उत्प्रेरणात्मक अनुभव पनि सुनाउनुभयो।

कार्यक्रममा विद्यार्थीहरूले गीत र नृत्यमार्फत राजेश हमाललाई स्टेजमै नचाएका थिए।

अभिमुखीकरण कार्यक्रममा पथरी शनिश्चरे नगरपालिकाकी उपप्रमुख देवी माया काफ्ले, मोरङका प्रमुख जिल्ला अधिकारी इन्द्रदेव यादव, नगरपालिकाका शिक्षा, युवा तथा खेलकुद शाखा प्रमुख नवीन खुलाल बुढाथोकी, वडाध्यक्षहरू नैना राई, लोक किरण न्यौपाने, विजय लिम्बु, उद्घव बस्नेत, कृष्णबहादुर बस्नेत, उद्ववराज बस्नेत, ईलाका प्रहरी कार्यालय पथरीका डीएसपी तुलसीराम अर्याल लगायतको उपस्थिति थियो।

हाम्रो बारे

नागरिक मिडिया प्रा.लि विराटनगर द्वारा संचालित यस रेडियोको प्रसारण मोरङ्ग जिल्लाको बिराटनगर–६, शान्ति चौक बाट भैरहेको छ । यसको प्रसारण क्षमता ५०० वाट रहेको छ । अत्याधुनिक इटालीयन उपकरणहरू जडित यस रेडियोको प्रसारणक्षेत्र पूर्वाञ्चलका मोरङ ,सुनसरी, झापा, इलाम, तेह्रथुम, पाचथर, भोजपुर, धनकुटा, ताप्लेजुङ, संखुवासभा, सोलुखुम्बु, खोटाङ, ओखलढुंगा, उदयपुर, सप्तरीलगायत मध्यामञ्चलको सिन्धुली एवं भारतका दार्जिलिङ, सिक्किम साथै, सीमावर्ती भारत,विहार राज्यको सुपौल र अररिया जिल्लाका मुख्य शहरी क्षेत्रहरूसम्म यसको प्रसारण पुगेको छ ।

यो रेडियो कुनै पनि पक्षको राजनीतिक कार्यक्रम, विचार तथा आग्रहबाट मुक्त छ । यो एक व्यवसायिक उद्यम हो । तर, रेडियो नागरिक १००.४ मेगार्हज नेपाली समाजको एकता, सद्भावको अभिवृद्धि र विभिन्न समुदायहरूको जनजीवन, भाषा, साहित्य, संस्कृतिको विकास प्रति समान रूपमा प्रतिवद्ध रहेको छ । यही भावनाले अभिप्रेरित भएर हामी जन अभिरूचिका आधारमा बिभिन्न प्रकारका सूचनामूलक र मनोरञ्जनात्मक कार्यक्रमहरू प्रसारित गरिरहेका छौं ।

हाम्रो टिमहरु

अध्यक्ष :                      शैलेन्द्र मोहन झा
प्रवन्ध निर्देशकः           अरविन्द मेहता
लेखाप्रमुख :                 संतोष यादव
समाचार प्रमुख :          डुमरलाल मेहता

समाचार वाचक:            सम्झना चौधरी

प्राविधिक:                  दिपेन्द्र, रेखा

कार्यक्रम प्रस्तोता :        कविता झा/प्रेम झा/ आरती कुशवाहा/  अन्जु अश्रु

Contact

Radio Nagarik 100.4 MHz
Address: Biratnagar-6, Morang, Nepal
Email: [email protected]
Phone: 021-501183, 501004
Mobile: 9811001418

error: Content is protected !!