Radio Nagarik 100.4 MHz बुधबार, बैशाख २२, २०७८
विराटनगर महानगरपालिकाका मेयर भीम पराजुलीले गम्भीर प्रकृतिका कोरोना सङ्क्रमितका लागि घर–घर अक्सिजन पु¥याउन थालेका छन् । बजारमा अक्सिजन पाउन गाह्रो छ । अक्सिजन नपाएका सङ्क्रमितका लागि मेयरले सिलिन्डर बोकेर घर–घर पु¥याउन थालेका हुन् ।
‘मेरो गाडीमा अक्सिजन पिपिईलगायत स्वास्थ्य सामग्री भइरहन्छ,’ उनले भने, ‘जनताले फोन गर्छन्, अति आवश्यक रहेछ भने घरसम्म पु¥याइदिन्छु ।’ बजारमा अक्सिजन सिलिन्डर कम भएका कारण नपाएपछि सर्वसाधारणले आफूलाई फोन गर्ने उनले बताए ।
कोरोना सङ्क्रमितको स्वास्थ्य अवस्था बुझेर मात्रै अक्सिजन दिइने गरेको उनले बताए । ‘स्वास्थ्यकर्मीको टिमले अक्सिजन लेभलको जाँच गर्छ, आवश्यक छ भने हामी पुग्छौँ,’ उनले भने, ‘हामीसँगै हुने स्वास्थ्यकर्मीले अक्सिजन जोडिदिन्छन् ।’ आफू राति पनि अक्सिजन पु¥याउन खटिएको उनले बताए ।
विराटनगर महानगरपालिकामा दैनिक दुई सयभन्दा बढीलाई कोरोना सङ्क्रमण देखिरहेको छ । सोमबारसम्म सङ्क्रमितको सङ्ख्या एक हजार तीन सय ५७ पुगेको छ ।
