विराटनगर । सुनसरीको भोक्राहा नरसिंह गाउँपालिकामा भब्यताका साथ संविधान दिवस मनाइएको छ। प्रभात फेरि कार्यक्रम सँगै राष्ट्रिय झन्डा तोलन र जनप्रतिनिधि , कर्मचारी तथा विभिन्न राजनीतिक दलहरूसँग अन्तरक्रिया कार्यक्रम गरि संविधान दिवस मनाइएको हो ।
बुधबार संविधान दिवसको अवसरमा गाउँपालिकाको कार्यालयबाट “संविधान दिवस सफल पारौं” भन्ने मुल नाराका साथ र्याली सहित चिरौली चौक परिक्रमा गरेर संविधान दिवस मनाइएका छन् ।
कार्यक्रममा गाउँपालिका अध्यक्ष अजमल अख्तर आजादले हामी सार्वभौमसत्ता सम्पन्न नेपाली जनतास्नेपालको स्वतन्त्रता, सार्वभौमिकता, भौगोलिक अखण्डता, राष्ट्रिय एकता, स्वाधीनता र स्वाभिमानलाई अक्षुण्ण राखी जनताको सार्वभौम अधिकार, स्वायत्तता र स्वशासनको अधिकारलाई आत्मसात् गर्दै संविधान दिवस मनाइएको बताउनुभयो ।

उक्त कार्यक्रममा विकासप्रेमी प्रमुख प्रशासकीय अधिकृत सुवर्ण घिमिरेले बहुजातीय, बहुभाषिक, बहुधार्मिक, बहुसांस्कृतिक तथा भौगोलिक विविधतायुक्त विशेषतालाई आत्मसात् गरी विविधताबीचको एकता, सामाजिक सांस्कृतिक ऐक्यबद्धता, सहिष्णुता र सद्भावलाई संरक्षण एवं प्रवर्धन गर्दैस वर्गीय, जातीय, क्षेत्रीय, भाषिक, धार्मिक, लैंगिक विभेद र सबै प्रकारका जातीय छुवाछूतको अन्त्य गरी आर्थिक समानता, समृद्धि र सामाजिक न्याय सुनिश्चित गर्न समानुपातिक समावेशी र सहभागितामूलक सिद्धान्तका आधारमा समतामूलक समाजको निर्माण गर्ने संकल्प गर्दै संविधान दिवसको अवसरमा विविध कार्यक्रमको आयोजना गरि मनाइएको बताउनुभयो ।
यता वडा नम्बर १ को कार्यालय अगाडि दिप प्रजलन गरेर हर्सोल्लासका साथ सविधान दिवस मनाएको छ ।
वडा नं १ स्थित रहेको सिंहवाहिनी युवा क्लब, रुटिन अफ भोक्राहा नरसिंह र प्रविन बिज भण्डारको सहयोगमा काली मन्दिरको अगाडि दिल प्रजलन गरेर सविधान दिवस मनाएको हो।

भोक्राहा नरसिंह गाँउपालिका वडा नं १ स्थिति रहेको कालि मन्दिरको अगाडी बुधवार साँझमा दिप प्रजलन गरेर २०८० सालको संबिधान दिवस मनाएका हुन। वडा नम्बर १ का कार्यालयले पनि छुट्टाछुट्टै रूपमा सविधान दिवस मनाएको वडा अध्यक्ष लक्ष्मण मेहताले जानकारी दिनुभयो।