Radio Nagarik 100.4 MHz शनिबार, साउन २७, २०८०
विराटनगर । कोशी प्रदेशमा जनता समाजवादी पार्टी (जसपाका) निर्मला लिम्बू स्वास्थ्य मन्त्री बनेको छ। प्रदेश प्रमुख परशुराम खापुङले पद तथा गोपनीयताको शपथ गराएको छ ।
उहाँ जसपाको एक्लो प्रदेश सांसद हुन । मुख्यमन्त्री उद्धव थापाले विश्वासको मत लिनुअघि गठबन्धन दलबाट एक एक जना मन्त्री हुने पूर्व सहमतिअनुसार जसपाबाट लिम्बूलाई नियुक्त गरेको हो। यसअघि थापाले काग्रेसका प्रदीप सुनुवार, माओवादी केन्द्रका बाबुराम गौतम र एकीकृत समाजवादीका कमल जवेगुलाई मन्त्री बनाइसकेका छन् ।
तत्कालीन मुख्यमन्त्री हिकमतकुमार कार्की नेतृत्वको सरकारमा पनि लिम्बू स्वास्थ्य मन्त्री थियो । गत जेठ १७ मा उनले पदबाट राजीनामा दिएको थियो ।
पहिचान पक्षधरको माग सम्बोधनका लागि प्रदेश सरकारले सार्वजनिक प्रतिबद्धता नजनाएसम्म सरकारमा सहभागी नहुने अडान लिँदै आएको लिम्बू मुख्यमन्त्री थापाले आन्दोलनरत पक्षसँग वार्ता गर्ने आश्वासन दिएपछि मन्त्री बनेको हो।
