Radio Nagarik 100.4 MHz बिहिबार, पौष २८, २०७९
विराटनगर । नेपाली कांग्रेसका नेता शेखर कोइरालाले राष्ट्रपति र उपराष्ट्रपतिको निर्वाचनलाई विचार गरेर आफूहरूले सरकारलाई विश्वासको मत दिएको बताउनुभयो ।
विराटनगरमा बिहीबार पत्रकारहरूसँग कुरा गर्दै नेता कोइरालाले राष्ट्रपति र उपराष्ट्रपतिको निर्वाचनलाई विचार गरेर पुष्पकमल दाहाल ‘प्रचण्ड’ नेतृत्वको सरकारलाई विश्वासको मत दिएको जानकारी दिनुभयो ।
राष्ट्रपति र उपराष्ट्रपतिको निर्वाचनमा कांग्रेसले पनि उम्मेदवारी दिने र देशभरका सबै सांसदहरूले मत हाल्न पाउने अधिकार भएकाले सरकारलाई विश्वासको मत दिएको उहाँले बताउनुभयो ।
‘अरु निर्वाचनहरू बाँकी नै छन् । सभामुख‚ उपसभामुखको निर्वाचनबाहेकका निर्वाचनमा पनि हामी उम्मेदवारी दिन्छौं‚’ हाँले भन्नुभयो‚ ‘राष्ट्रपति‚ उपराष्ट्रपतिको निर्वाचनमा देशभरका सांसदले भोट हाल्नुहुन्छ । यो सबैलाई विचार गरेर हामीले सरकारलाई विश्वासको मत दिएको हौँ ।’
उहाँले कांग्रेसले सरकारको गुण र दोषका आधारमा प्रश्न उठाउने र समर्थन गर्ने भन्दै प्रतिपक्षी भूमिकामै रहने बताए । ‘प्रतिपक्षको बेन्चमा बस्छौं । गुण र दोषको आधारमा सरकारको समर्थन र विरोध गर्छौं तर सरकारमा जाँदैनौं‚’ उहाँले भन्नुभयो ।
