सुनसरी । गढीमा दुई दिने बालिका सम्मेलन सम्पन्न भएको छ । सुनसरीको गढी गाउँपालिका–२, औराबनीको गढी वनमा गढी गाउँपालिकाका–६वटै वडाबाट ६०जना बालिका तथा किशोरीहरुको सहभागी गराएर सो कार्यक्रम सम्पन्न भएको हो । गढी गाउँपालिकाको कार्यालय र साझा सवालका लागि साझा मंच (कोकन) आयोजनामा र प्लान इन्टरनेसनल नेपालको सहकार्यमा कार्यक्रम भएको हो ।
गढी गाउँपालिकाले बालबिवाह मुक्त पालिका घोषणा गर्ने उद्देश्यका साथ कार्यक्रम गरिएको बताईएको छ । कार्यक्रममा बालिका तथा बालकहरु खासगरि उमेर नपुगी सानैमा गरिने बालबिवाह, प्रेमबिवाह, घरपरिवारले जवजस्ती गरिने बाल बिवाह, घरपरिवारले छोरीमा गरिने भेदभाव, छोरीलाई दिने यातना, छोरी जन्मे पछि गरिने दुव्र्यवहार, बलात्कृत बालिकालाई गाउँमा गरिने दुब्र्यवहार, चेलीबेटी बेचबिखन र बिवाह पछि दाइजो नल्याएको निहुँमा यातना तथा घरेलु हिंसा जस्ता कुराहरुलाई जोडदिएको थियो ।
कार्यक्रममा गढी गाउँपालिकाका अध्यक्ष आशनारायण चौधरी, उपाध्यक्ष अनिताकुमारी साह, लेखाअधिकृत दिलबहादुर खड्का, बालबालिका तथा महिला साखाकी प्रमुख अनिता सिंह, ईलाका प्रहरी कार्यालय गढी–३, छिटाहका इन्चार्ज गजेन्द्रबहादुर श्रेष्ठ, प्रहरी हवल्दार ईन्द्र देव यादव, गढी गाउँपालिकाका ६वटै वडाका वडा अध्यक्षहरु, कोकनका सल्लाहकार कोषराज न्यौपाने लगायतको उपस्थिति रहेको थियो ।