भोक्राहामा नीति तथा बजेट तर्जुमाका लागि अन्तरक्रिया कार्यक्रम सम्पन्न

डुमरलाल मेहता शनिबार, आषाढ ०४, २०७९

भोक्राहा नरसिंह । सुनसरीको भोक्राहा नरसिंह गाउॅपालिकामा आगामी आब ०७९०८० को नीति तथा कार्यक्रम र बजेट तर्जुमाको सम्बन्धमा अन्तर्क्रिया, छलफल र सुझाव संकलनको गरेको छ ।

कार्यक्रममा लेखा अधिकृत महेश राना मगरले नीति तथा कार्यक्रम र बजेट तर्जुमाको अवस्था र प्रकृयाको बिषयमा कार्यपत्र प्रस्तुत गरेको थियो । छलफलको क्रममा ३२ जना सहभागीले विभिन्न सुझावहरू राखेको थियो ।

कार्यक्रमको अन्तमा प्रमुख प्रशासकीय अधिकृत बाबुनन्दन मेहताले प्राप्त सुझावहरू माथि गाउॅपालिकाले मनन गर्ने तथा गॉउपालिकाको समृद्धिका लागि पालिकाका कर्मचारीहरू विदाको दिन, कार्यालय समय अघिपछि पनि दत्तचित भएर कटिबद्ध भएर खटि रहेकोले सबै पदाधिकारीहरू र सरोकारवालाहरूले साकारात्मक ढंगले साथ, सहयोग, समन्वय, सहजिकरण गर्नुपर्ने बताउनुभयो । कायक्रममा गाउॅपालिका अध्यक्ष अजमल अख्तर अजादले हरेक सुझावलाई गाउॅपालिकाको नीति तथा कार्यक्रम र बजेटमा समावेश गर्ने, सबै सरोकारवालाको साथ, सहयोग, समन्वय, सल्लाह, सुझावबाट मात्र भोक्राहा नरसिंह गाउॅपालिकाको समग्र क्षेत्रको विकासको खाका तयार हुने बताउनुभयो ।

शैक्षिक क्षेत्र सुधारका लागि उच्चस्तरिय टोली गठन गरी अध्ययन गराउने, सामुदायिक विद्यालयलाई अंग्रजी माध्यममा पठन पाठन गर्न प्रोत्साहन गर्ने, किसानहरूलाई विभिन्न किसिमको सामग्री सहुलियत उपलब्ध गराउने र बिद्धुतिय मिटर, कृषी औजार, बिद्धुतिय सिंचाई सँगै कृषी उपज तथा पशु हाट बजार ब्यबस्थापन गर्ने जानकारी दिनुभयो । त्यसै गरी अधुरा विकास निर्माण पुरा गर्ने कार्यलाई पहिलो प्राथमिकता दिने, विकास निर्माणमा छिमेकी स्थानीय तह, प्रदेश सरकार, संघीय सरकारसंग सिझेदारी गर्ने, संचारमाध्यमलाई प्रोत्साहित गर्ने लगायतको कार्यहरु गर्ने बताउनुभयो ।

कार्यक्रममा गाउॅपालिकाको सभाहलमा गाउॅपालिका अध्यक्ष अजमल अख्तर आजादको अध्यक्षतामा आज आयोजना गरेको उक्त कार्यक्रममा गाउॅपालिका उपाध्यक्ष सुनिताकुमारी उरॉव, प्रमुख प्रशासकीय अधिकृत बाबुनन्दन मेहता, सबै वडाका वडाध्यक्ष, कार्यपालिका सदस्य, सबै सामाजिक धार्मिक सहकारी संघ संस्थाको पदाधिकारीहरू, सुरक्षा निकायको प्रमुखहरू, कर्मचारीहरू लगायत १५० जनाको सहभागिता रहेको थियो ।

 

हाम्रो बारे

नागरिक मिडिया प्रा.लि विराटनगर द्वारा संचालित यस रेडियोको प्रसारण मोरङ्ग जिल्लाको बिराटनगर–६, शान्ति चौक बाट भैरहेको छ । यसको प्रसारण क्षमता ५०० वाट रहेको छ । अत्याधुनिक इटालीयन उपकरणहरू जडित यस रेडियोको प्रसारणक्षेत्र पूर्वाञ्चलका मोरङ ,सुनसरी, झापा, इलाम, तेह्रथुम, पाचथर, भोजपुर, धनकुटा, ताप्लेजुङ, संखुवासभा, सोलुखुम्बु, खोटाङ, ओखलढुंगा, उदयपुर, सप्तरीलगायत मध्यामञ्चलको सिन्धुली एवं भारतका दार्जिलिङ, सिक्किम साथै, सीमावर्ती भारत,विहार राज्यको सुपौल र अररिया जिल्लाका मुख्य शहरी क्षेत्रहरूसम्म यसको प्रसारण पुगेको छ ।

यो रेडियो कुनै पनि पक्षको राजनीतिक कार्यक्रम, विचार तथा आग्रहबाट मुक्त छ । यो एक व्यवसायिक उद्यम हो । तर, रेडियो नागरिक १००.४ मेगार्हज नेपाली समाजको एकता, सद्भावको अभिवृद्धि र विभिन्न समुदायहरूको जनजीवन, भाषा, साहित्य, संस्कृतिको विकास प्रति समान रूपमा प्रतिवद्ध रहेको छ । यही भावनाले अभिप्रेरित भएर हामी जन अभिरूचिका आधारमा बिभिन्न प्रकारका सूचनामूलक र मनोरञ्जनात्मक कार्यक्रमहरू प्रसारित गरिरहेका छौं ।

हाम्रो टिमहरु

अध्यक्ष :                      शैलेन्द्र मोहन झा
प्रवन्ध निर्देशकः           अरविन्द मेहता
लेखाप्रमुख :                 संतोष यादव
समाचार प्रमुख :           माधव काफ्ले

समाचार वाचक:            सम्झना चौधरी
प्राविधिक/न्यूज डेक्स :  डुमरलाल मेहता

प्राविधिक:                      रुचि साह

कार्यक्रम प्रस्तोता :        कविता झा/प्रेम झा

Contact

Radio Nagarik 100.4 MHz
Address: Biratnagar-6, Morang, Nepal
Email: [email protected]
Phone: 021-501183, 501004
Mobile: 9811001418