डुमरलाल मेहता शनिबार, आश्विन १३, २०८०
विराटनगर । श्रीमद्भागगवत सप्ताह ज्ञान महायज्ञ तथा कथा प्रवचन सम्पन्न भएको छ । सुनसरीको देवानगञ्जमा श्री दुर्गा मन्दिर व्यवस्थापन समितिको आयोजनामा श्रीमद्भागगवत सप्ताह ज्ञान धनधान्याञ्चल महायज्ञ शुक्रवार सम्पन्न भएको छ ।
असोज ५ गतेदेखि सुरु भएको महायज्ञ शुक्रवार १२ गते समापन भएको श्री दुर्गा मन्दिर व्यवस्थापन समितिको सचिव बेचन खत्वले जानकारी दिनुभयो । उहाँका अनुसार श्री दुर्गा मन्दिर पुर्ण रुपमा निर्माण होस् उदेश्यले महायज्ञ गरेको थियो ।
उक्त महायज्ञमा बाल ब्यास पण्डित श्री कपिलदेब चालिसेको कथा प्रवचन सुन्न आएका हजारौँ भक्तजनबाट ३२ लाख १८ हजार ९ सय ४९ रुपैया दाताहरुले आफ्नो खुशीले दान गरेको सचिव खत्वले बताउनुभयो । प्रत्येक दिन भागवत कथा, झाँकी रात्रीकालिन जग्राम लगायत विभिन्न कार्यक्रम हुने गरेको थियो।
महायज्ञ कार्यक्रममा तन, मन, धनले सहयोग गर्नेहरुलाई प्रशंसा र कदर पत्र सहित सम्मान गरेको थियो । महायज्ञमा नेपालको विभिन्न जिल्ला सँगै छिमेकी राष्ट्रिय भारत लगायत स्थानबाट हजारौं भक्तजनको उपस्थितिमा रहेको थियो ।
