बिराटनगर । कोशी प्रदेशमा मैथली भाषालाई कामकाजी रुपमा कार्यान्वयन गर्न र जितीया पर्वमा सार्वजनिक बिदा घोषणा गर्न दुई दर्जन भन्दा बढी संघ संस्थाहरुले संयुक्त रुपमा  मुख्यमन्त्री उद्धव थापालाई संस्मरणपत्र बुझाएका छन् ।

मैथली भाषाको संरक्षण र सम्बद्धन गर्दे आएका प्रदेश भरीका २९ वटा संघ संस्थाका प्रतिनिधिहरुले संयुक्त रुपमा नेपाल मरिक डोम समुदाय विकास मंचका अध्यक्ष बालदेव मरिकको हाथबाट मुख्यमन्त्री थापालाई संयुक्त संस्मरणपत्र बुझाएको हो ।

कोशी प्रदेशका तत्कालीन सरकारद्धारा पर्यटन तथा संस्कृती मन्त्री खिनु लड्वा लिम्बुको अध्यक्षतामा ९ सदस्य मैथिली र लिम्बु भाषा मस्यौदा समिती गठन गरी सरकारलाई बुझाएको प्रतिबेदन अनुसार तत्काल व्यवहारिक रुपमा लागु गर्नु पर्ने माग रहेको संस्मरणपत्रमा उल्लेख गरिएको छ ।
कोशी प्रदेशमा दास्रो सबभन्दा बढी बोलीने मैथिली भाषाभाषीहरुको बसोबास भएकाले मैथिलीको पहिचान, अस्तित्वको रक्षा गर्न एक कदम पनि पछि नहट्ने अभियन्ता राम रिझन यादवले बताउनुभयो ।

नेपाल सरकार शिक्षा विज्ञान तथा प्रविधि मन्त्रालयद्धारा निर्माण गरिएको कक्षा १ देखि ८ सम्म मातृ भाषामा पठन पाठन गराउनु पर्नेमा स्थानिय सरकारले वेवास्ता गर्दे आएकाले तत्काल मातृभाषमा अध्ययन र अध्यापन गराउन माग समेत संस्मरणपत्रमा गरिएको छ । अभियन्ताहरुले कठोर पर्वको रुपमा रहेको जितिया पर्वलाई राष्ट्रिय पर्वको रुपमा मान्यता दिई सार्वजनिक बिदाको घोषणा गर्नुपर्ने माग समेत रहेको छ ।

संयुक्त संस्मरणपत्र बुझ्दै कोशी प्रदेशका मुख्यमन्त्री थापाले भन्नुभयो नेपाल बिभिन्न जात जाती र भाषा भाषीको साझा घरभएकाले सबैको भाषा र संस्कृतीलाई सम्मान तथा संरक्षण गर्न प्रदेश सरकार तयार रहेको बताए । संयुक्त संस्मरणपत्रमा रहेको माग जायज रहेकाले प्रदेश सरकार कार्यावन्यन गर्न तत्परता देखाउने बताए । उहाँले भन्नुभयो –‘ अगामी प्रदेश सभाको बैठकबाट उठाएको मागलाई संम्बोधन गर्ने प्रक्रिया अघि बढाउने छु। ‘