विराटनगर । नाशा इन्भेष्टमेन्ट प्रालिको आयोजनामा विराटनगरमा शेयर बजारसम्बन्धी सचेतनामुलक कार्यक्रम सम्पन्न भएको छ । नाशा इन्भेष्टमेन्टको आयोजनामा शेयर सचेतना सम्बन्धि छैठौं श्रृंखलाकोरुपमा विराटनगरको महेन्द्र मोरङ आदर्श बहुमुखी क्याम्पसमा कार्यक्रम सम्पन्न गरेको हो ।

शेयर सम्बन्धि चासो राख्ने र क्याम्पसका विद्यार्थीलाई सहभागि गराएर कार्यक्रम आयोजना गरिएको हो । सहभागिलाई शेयर बजारसम्बन्धी अधारभूत ज्ञान र यसको उपयोगिताका बिषयमा जानकारी गराइएको आयोजक संस्थाका अध्यक्ष अरविन्द मेहताले जानकारी दिए ।

सो अवसरमा अर्थ सरोकार डटकमका सुरज प्याकुरेल,मोहनप्रसाद सुवेदी र आयोजक संस्थाका अध्यक्ष मेहताले सहभागिलाई शेयर बजारमा लगानी गर्दा अपनाउनुपर्ने सावधानी लगायतका बिषयमा बिस्तुत जानकारी प्रस्तुत गरेको थियो । यसैबीच कार्यक्रममा विभिन्न क्षेत्रमा योगदान दिएकाहरुलाई सम्मान समेत गरिएको थियो । सो क्रममा आयोजक संस्थाले ४ जनालाई सम्मान गरेको छ ।

सम्मानित हुनेहरुमा हरिनगर गाउँपालिकाका अध्यक्ष गप्फार अंसारी ,विपी कोइराला स्वास्थय विज्ञान प्रतिष्ठानका प्राध्यापक डाक्टर ज्ञानेन्द्रबहादुर मल्ल,विराटनगरका स्वेच्छिक समाजसेवी देवकिसन मुन्दडा र बुढीगंगा गाउँपालिकास्थित नरग्राम माध्यमिक विद्यालयका प्रध्यानाध्यापक भिमबहादुर बस्नेत रहेको छ । सम्मानित हुनेहरुलाई कार्यक्रमका प्रमुख अतिथि महेन्द्रमोरङ आदर्श बहुमुखी क्याम्पसका प्रमुख डाक्टर बाबुराम तिम्सिनाले सम्मानपत्र र दोसल्लाले सम्मान गरे ।

सो अवसरमा बोल्नुहुँदै प्रमुख तिम्सिनाले शेयर सचेतना सम्बन्धि कार्यक्रमले आर्थिक क्षेत्रलाई थप चलायमान बनाउन प्रभावकारी हुने विचार ब्यक्त गरे । कार्यक्रमको व्यवस्थापन ड्रिम इभेन्ट म्यानेजमेन्ट हरिनगरले गरेको थियो भने अर्थ सरोकार डटकमले सहजीकरण गरेको थियो ।