पाँच वर्षअघि मात्र ओलम्पिक आयोजना गरेको जापानका लागि अहिले क्षेत्रीय आयोजना आलोचनाको घेरमा छ। जुन आलोचना नागोया/आइची सहरमा शनिबार तय उद्घाटन समारोहको सँघारमा भएको हो।

एसियाली खेलकुदको २०औं संस्करण शनिबार नागोया सहरमा भव्यताका साथ सुरु हुने तयारीमा छ। तर, तेस्रोपल्ट एसियन गेम्सको आयोजना गरिरहँदा जापानले आलोचना सामना गरिरहेको छ। तथापि २०औं एसियाली खेलकुद आइची/नागोया २०२६’ को उद्घाटन समारोह विशेष र भव्य बनाउने तयारी आयोजक छ। नागोयास्थित मिजुहो पार्क एथलेटिक्स रंगशालामा हुँदै छ। मार्च पास्टका क्रममा नेपालको झन्डा बक्सर चन्द्रबहादुर थापा र महिला कबड्डी टोलीकी कप्तान मानमती विष्टले बोक्नेछन्। मानमती गत एसियाली खेलकुदको कांस्य पदक विजेता हुन् भने चन्द्रबहादुरलाई यसपल्ट पदकको आशा गरिएको खेलाडीको रूपमा हेरिएको छ।

उक्त समारोहमा जापान एयर सेल्फ डिफेन्स फोर्सको चर्चित ‘ब्लु इम्पल्स’ एरोबेटिक टोलीले आकाशीय प्रदर्शन गर्नेछ। त्यससँगै विभिन्न मनोरञ्जनात्मक कार्यक्रमसमेत प्रस्तुति हुनेछ। एसिया क्षेत्रको महाकुम्भ मेलामा १७ हजारभन्दा बढी खेलाडी तथा पदाधिकारी प्रत्यक्ष सदस्य हुन्। उद्घाटन समारोह साँझ ६ बजे सुरु हुनेछ। समारोहमा सांगीतिक प्रस्तुति पनि हुँदै छ। ‘हार्मोनिक हार्ट बिट’ अर्थात् ‘सामञ्जस्यपूर्ण मुटुको धड्कन’ आकर्षण बन्नेछ। यसको माध्यमबाट एसियाका खेलाडी र दर्शकले खेलप्रतिको एउटै लय र जोस साझा गरेको सन्देश दिन खोजिएको छ।