विराटनगर । नेपाली कांग्रेस कोशी प्रदेश समितिले यही असोज ९ गतेदेखी परेको अविरल बर्षा र बाढी पहिरोबाट क्षति भएका भौतिक पूर्वाधारको पूननिर्माण तत्कालै सूचारु गर्न माग गरेको छ ।
कोशी प्रदेश समितिका अध्यक्ष तथा कांग्रेस संसदीय दलका नेता उद्धव थापाको नेतृत्वमा आईतवार गएको टोलीले मुख्यमन्त्री हिक्मत कार्कीलाई भेटेर यस्तो माग गरेको हो । बाढीबाट मूत्युबरण गरेका परिवारलाई राहत्त , घाईतेको निशुल्क उपचार , वेपत्ताहरुको खोजी , विस्थापितहरुको पूर्नस्र्थापना , बालीनाली नस्ट भई विस्थापित हुन पुगेका परिवारलाई खाद्यान्न र लत्ताकपडा सहितको राहत्त उपलब्ध गराउन माग गरेको पार्टीका प्रदेश प्रवक्ता यदू बिष्ठले जानकारी दिए । यस्तै क्षति भएका झोलुङ्गे पुलको मर्मत , नयाँ झोलुङ्गे पुलको निर्माण , आवश्य स्थानमा बेलिव्रिजको निर्माण , अवरुद्ध सडक र पुलहरुको पूननिर्माण , गरि दशैको मुखमा तत्कालै आवात जावत सुचारु गर्न पनि माग गरेको छ ।
यही असोज ९ गतेदेखी १२ गते सम्म परेको अविरल बर्षाले हाल सम्म कोशी प्रदेशमा २० जनाले मूत्यूबरण गरेको , ७ जना वेपत्ता भएका , ६ सय २१ घरपरिवार र २ हजार ६४ व्यक्ती विस्थापित भएका , ३४ वटा पूलको क्षति सहित १ अर्व ११ करोड २० लाख भन्दा बढी क्षति भएको पार्टीले प्रदेश सरकारलाई बुझाएको ज्ञापन पत्रमा उल्लेख छ ।
टोलीमा काग्रेस प्रदेश कार्य समितिका महासचिव उमेश थापा , सहमहामन्त्री प्रमिला गच्छदार , पूर्वमन्त्री तथा प्रदेश सदस्यहरु सहभागि थिए ।