Radio Nagarik 100.4 MHz आइतबार, साउन २६, २०८२
विराटनगर । प्रादेशिक रक्तसञ्चार सेवा केन्द्र विराटनगरको प्राविधिक सहयोगमा आदर्श विद्यालय पूर्व विद्यार्थी संघले आयोजना गरेको खुला रक्तदान कार्यक्रम शुक्रबार सम्पन्न भएको संघको अध्यक्ष अन्जु पराजुलीले बताउनुभयो ।
विराटनगर–९ स्थित पञ्चमुखी हनुमान मन्दिर परिसरमा सम्पन्न कार्यक्रममा आदर्श विद्यालयका पूर्व शिक्षक जगदीश गौतम, पूर्व शिक्षक मदन सापकोटा तथा आदर्श मिलन केन्द्रका अध्यक्ष नारायण श्रेष्ठलगायतका अग्रज व्यक्तित्वले उपस्थित भई रक्तदाताहरुलाई आशिर्वाद र हौसला प्रदान गर्नुभएको थियो ।
कार्यक्रममा खानेपानी संस्थानका अध्यक्ष, शैक्षिक पेशामा आवद्ध शिक्षक, कर्मचारी, संस्थाका सदस्यलगायत २५ जनाले रक्तदान गरेको सचिव प्रमोद मण्डलले जानकारी दिनुभयो।
रक्तदान गर्ने सहभागीलाई संस्थाले प्रमाणपत्र वितरण गर्दै स–सम्मान गरेको थियो। साथै, फलफूल र पिय पदार्थको उचित व्यवस्था पनि गरिएको आयोजकले जनाएको छ।
