डुमरलाल मेहता मंगलबार, कार्तिक २७, २०८१
विराटनगर । विराटनगरमा अन्तर्राष्ट्रिय कृष्णभावनामृत संघ (इस्कोन) का लालगोविन्द प्रभुजीले भागवत कथा वाचन गर्ने भएका छन् । इस्कोन विराटनगरले मंसिर १ गते विहान ८ बजे कलश यात्रा र १ गतेदेखि ७ गतेसम्म भागवत सप्ताहको आयोजना गर्न लागेको हो । श्रीमद् महा भागवत विराटनगर – २ को तीनपैनी स्थित खाटु श्याम मन्दिरमा हुने भएको छ । उहाँले हिन्दी भाषामा भागवत् कथा वाचन गर्नुहुनेछ । पेशाले सफ्टवेयर कम्प्युटर इन्जिनियर भएपनि आफ्नो गहिरा र प्रेरणादायक प्रवचनहरुले देश तथा विदेशमा परिचित हुनुहुन्छ ।
मंगलबार पत्रकार सम्मेलन गरी सम्पुर्ण परिवारको कल्याण तथा सम्पुर्ण पितृको उद्धारका लागी श्रीमद् महा भागवत् गर्न लागिएको इस्कोन विराटनगरका सचिव भानुभक्त जोसीले जानकारी दिनु भयो ।
तीनपैनीको श्याम मन्दिरको हलमा प्रत्येक दिन दिनको ३ बजेदेखि ७ बजेसम्म श्रीमद् महा भागवत कथा हुनेछ । इस्कोन विराटनगरले भागवत कथालाई भव्य रुपमा सम्पन्न गर्न डा. राहुल सरावगीलाई संयोजकको जिम्मेवारी दिएको छ । भागवत् कथामा अन्तराष्ट्रिय संगीतकार टोली उपस्थिती रहने ,सांस्कृतिक कार्यक्रम हुने साथै कथा श्रवणमा आउनुहुने सम्पूर्ण भक्तजनहरुलाई प्रसादम वितरण गरिने समेत सचिव जोशी जानकारी दिनुभयो ।