विराटनगर । बाल विकास शिक्षिकालाई शिक्षा सुधार सम्बन्धी ३ दिने तालिम मंगलवार सम्पन्न भएको छ । वाश र अन्य स्तरोन्नती मार्फत शिक्षामा सहयोग बर्जुको परियोजना अन्र्तगत एल.डी.एस.सीको सहयोग, बर्जु गाउँपालिकाको सहकार्य र स्वास्थ्य पोषण शिक्षा तथा कृषि अनुसन्धान विकास नेपाल (हर्ड नेपाल) को आयोजनामा उक्त तालिम समपन्न भएको छ ।
गाउँपालिका १६ वटा बाल विकास केन्द्रका शिक्षिकालाई सहभागी गराएर शिक्षा सुधार सम्बन्धी सुरु गरेको तालिम सफलताको साथ सम्पन्न भएको हर्ड नेपालका कार्यकारी निर्देशक राकेश कुमार यादवले जानकारी दिनुभयो ।

शिक्षा सुधार सम्बन्धी ३ दिने तालिमको समापन कार्यक्रममा गाउँपालिका शिक्षा शाखाका हेमराज दाहालले हामीले यो तालिमबाट जे आश गरेको थिए त्यो प्रगति प्राप्त गरिसकेका छौँ । अब चाहिँ तपाईहरु आफ्नो बाल विकासमा गएर प्रयोग गर्नुपर्छ । जति सिक्नुभयो त्यो बाल विकास केन्द्रका बालबालिकालाई मनोञ्जनात्मक तरिकाले उदाहरण दिएर, विभिन्न प्रकारको चित्र बनाएर, गीत गाएर लगायतको तरिका अपनाएर बालबालिकालाई पढाउनु पर्छ । अहिले प्रविधीको गरेर विभिन्न माध्यमबाट धेरै कुरा सिक्न सकिन्छ र सिकाउन सकिन्छ दाहालले बताउनुभयो । गाउँपालिकाले शिक्षा सुधार गर्नुपर्छ शिक्षालाई पहिलो प्राथमिकतामा राखेर काम गरिरहेको शिक्षा शाखाका दाहालले जानकारी दिनुभयो ।

हर्ड नेपालका कार्यकारी निर्देशक राकेश कुमार यादवले शिक्षा सुधार गर्नका लागि हामी निरन्तर लागि रहेका छौँ । यो तालिममा सहभागी भएर जुन चासो र सिक्ने इच्छा शक्ति देखाएर सिक्नुभएको छ हामीलाई खुशी लागेको छ । यो तालिमबाट हामी र पालिकाले प्रगती भएको महशुस गरेको छ । अब तपाईहरुले आफ्नो बाल विकास केन्द्रलाई नमुना बाल विकास केन्द्र बनाउनुपर्छ । अहिले हर्ड नेपाललाई जिम्मा दिएका बाल विकास केन्द्रका कक्षा कोठालाई पेन्टिङ्ग तथा सजावट लगायतका काम गरिरहेको निर्देशक यादवले जानकारी दिनुभयो । हर्ड नेपालले ७५ वटा बालबालिकालाई पढाइरहेको छ । जसको आमाबुवा छैन र अति विपन्न परिवार बालबालिका पढीरहेको छ ।

कार्यक्रममा हर्ड नेलालका कार्यक्रम प्रवन्धक प्रदिप अर्याल, प्रशिक्षक चन्द्रिकाला घिमिरे लगायतले शुभकामना मन्तव्य दिनुभएको थियो ।
कार्यक्रममा तालिम लिएका शिक्षिकालाई प्रमाण पत्र समेत दिएको थियो ।