विराटनगर । गरिब तथा जेहन्दार बिधार्थीहरुलाई न्यानो लुगा बितरण गरेको छ । मोरङको ग्रामथान गाउँपालिका वडा नम्बर १ मा रहेको वीरेन्द्र माविमा पुर्व विद्यार्थी समाज र ग्रामथान गाउँपालिका वडा नं. १ कोसहकार्यमा र बिराटनगरका अनिता दुगड, सनराईज सिटि होम लेडिजहरु, काठमाडौं लेडिज सर्कल ११ को आर्थिक सहयोगमा गरिब र जेहन्दार बिधार्थीहरुलाई न्यानो लुगा बितरण गरेको हो। अहिलेको अवस्थामा सरकारी विद्यालय प्रती कम आकर्षण रहेको छ । गरिबी जाडोको कारणले विद्यालयमा विद्यार्थीको अनियमित्ताको दुरी लाई घटाउने उदेश्यले लुगा कपडा बितरण गरेको राजिव चौधरीले बताउनुभयो । यो अभियानले अभिभावाकहरुलाई पनि नियमित बालबालिकालाई विद्यालय पठाउने उत्प्रेरणा जागने चौधरीले बताउनुभयो। एक सय जनामलाई टोपी र ६० जनालाई लुगा सेट वितरण गरिएको छ ।

पुर्व बिधयार्थीहरु (सेल्फ) फन्ड कलेक्सन गरेर सहयोगी मन भएका दाताहरुको सहयोगमा बिभिन्न क्रियाकलाप संचालन गर्दै आएको छ । केहि महिना अगाडी पुर्व विद्यार्थी,स्कुल व्यवस्थापन समिति, अभिभावक, बिद्यालयका शिक्षक़ शिक्षिका र वडा नं. १ र पालिकाको सहयोगमा विद्यालयलाई आकर्षक़ बनाउन कमपाउण्ड भित्र वृक्ष रोपन गर्नुको साथै फूलबारी पनि व्यवस्थापन गरेको थियो । केहि दिन अगाडी ७४औं प्रजातन्त्र दिवसको अवसर पारेर ग्रामथान भरिका विद्यालयहरुलाई लक्षित् गरि हाजिरी जवाफ तथा खुल्ला दौड प्रतियोगिता आयोजना गरेको थियो।

अगामि दिनहरुमा स्कुलको भवनको लागि प्रदेशका योजनाहरुमा र राष्ट्र योजना आयोगमा प्रस्ताउना पत्र पेश गर्नुको साथै बिधार्थी भर्ना र गुणस्तर शिक्षाको लागि रणनीतिक योजनाहरु बनाउने कुरालाई प्राथमिकता राखी बैठक तथा छ्ल्फल अगाडी बढाउने वीरेन्द्र माविका पूर्व विद्यार्थी समाजका अध्यक्ष राजीव चौधरीले जानकारी दिनुभयो । कार्यक्रममा ग्रामथान १ का वडा अध्यक्ष सुरेशकुमार माझी, वडा सदश्य आनन्द सर्दार, संजय कुमार माझी, प्र.अ. मनोज रम्तेल, विद्यार्थीका अभिभावक, पुर्व विद्यार्थीहरु र बिद्यालयका शिक्षक् शिक्षिका हरुको सहभागी रहेको थियो।