Halloween Costume ideas 2015

Radio Nagarik 100.4 Mhz

[2column][content][/content] [content][/content][/2column]
Latest Post


२० भदौ, सप्तरी । सप्तरीमा नेकपा माओवादी केन्द्रले तेस्रो चरणको स्थानीय तह चुनावका लागि उम्मेदवारहरु टुङ्गो लगाएको छ ।


जिल्लाका १८ वटै स्थानीय तहमा माओवादीले प्रमुख र उपप्रमुख पदका उम्मेदबार छनौट गरेको सांसद एवं पार्टीका जिल्ला इन्चार्ज अशोक मण्डलले जानकारी दिए ।

उनका अनुसार सदरमुकाम राजविराजको मेयर पदमा नव प्रवेशी अनिस अन्सारीलाई उम्मेदबार बनाउने निर्णय भएको छ । सद्भावना पार्टीका संस्थापक महासचिव अन्सारी केही दिन अगाडि मात्रै माओवादी केन्द्रमा प्रवेश गरेका थिए ।

पार्टीले हनुमाननगर कंकालिनी नगरपालिकामा राहुल मण्डल, डाक्नेश्वरी नगरपालिकाको प्रमुखमा कर्मलाल यादव, बेल्ही चपेना गाउँपालिकाको प्रमुखमा इब्राहिम मन्सुरी, तिलाठी कोइलाडी गाउँपालिकाको प्रमुखमा मुनीलाल मुखिया, खडग नगरपालिकाको प्रमुखमा जयप्रकाश चौधरी, कंचनरुप नगरपालिकाको प्रमुखमा बन्सी चौधरीलाई उम्मेदबार बनाउने भएको छ ।

कृष्णासावरण गाउँपालिकामा बेचन चौधरी, छिन्नमस्ता गाउँपालिकामा जयप्रकाश यादव, तिरहुत गाउँपालिकामा दिनेश यादव, रुपनी गाउँपालिकामा मुस्तकिम राइन, सप्तकोशी नगरपालिकामा दिनक राई र महदेवा गाउँपालिकाको प्रमुखमा तारणी तिबारीलाई उम्मेदबार बनाउने निर्णय नेकपा माओवादी केन्द्रले गरेको छ ।

यस्तै बलान बिहुल गाउँपालिकामा छत्रनारायण यादव, सुरुंगा नगरपालिकामा हरीनारायण चौधरी र बोदे बर्साइन नगरपालिकामा दिलिप यादव प्रमुखको उम्मेदबार बनेका छन् ।

कांग्रेस, एमाले, संघीय समाजवादी फोरम नेपालले यसअघि नै उम्मेदबार छनौट गरिसकेको छ ।



२१ भदौ, काठमाडौं । सरकारका उपप्रधान तथा परराष्ट्रमन्त्री कृष्णबहादुर महरा बुधबार चीन भ्रमणमा जाने भएका छन् । चीनका परराष्ट्रमन्त्री वाङ यीको निमन्त्रणामा महरा ६ दिने औपचारिक भ्रमणका लागि आज त्यसतर्फ जान लागेका हुन् ।


नयाँ संविधान घोषणापछि चीन भ्रमणमा जाने महरा दोस्रो परराष्ट्रमन्त्री हुन् । यसअघि केपी ओली नेतृत्व सरकारका तत्कालीन उपप्रधान तथा परराष्ट्रमन्त्री कमल थापाले चीनको ६ दिने औपचारिक भ्रमण गरेका थिए ।

परराष्ट्र मन्त्रालयले द्विपक्षीय हित प्रवद्र्धनका लागि महरा चीन भ्रमणमा जान लागेको जनाएको छ ।

महरासँगै उनको टोलीमा परराष्ट्रका सहसचिव गणेश ढकाल, मन्त्रालयका उपसचिव कुमार राई, महराका प्रेस तथा जनसम्पर्क सल्लाहकार हरि लामिछाने सहभागी हुने छन् । चीनका लागि नेपाली राजदूत लीलामणि पौड्याल, राजनीतिक काउन्सिलर हरिश्चन्द्र घिमिरे, उपनियोग प्रमुख सुशीलकुमार लम्साल चीनमै रहेकाले उनीहरु उतैबाट भ्रमण टोलीमा मिसिने छन् ।

महराले आफ्नो ६ दिने औपचारिक भ्रमणका क्रममा उच्चस्तरीय राजनीतिक भेटघाट गर्नेछन् । चीनले उच्चस्तरीय राजनीतिक भेटघाट गोप्य राख्ने भएकाले यसबारे अझै जानकारी प्राप्त नभएको हो । स्रोतका अनुसार, महराले चीनका प्रधानमन्त्री ली खछियाङसँग भेटवार्ता गर्ने सम्भावना छ ।

परराष्ट्र मन्त्रालय स्रोतका अनुसार, महराको भ्रमणमा ओवीओआर, रेल्वे कनेक्टीभीटीलगायत विषयमा छलफल हुनेछ । महराले भ्रमणका क्रममा नेपाल–चीन सीमामा रहेका सीमा नाका खोल्नेलगायत विषय समेत उठाउने तयारी गरेका छन् ।

महराले गोन्जाओमा स्थापना भएको महावाणिज्य दूतावास कार्यालयको औपचारिक उदघाटन गर्ने कार्यक्रमसमेत तय भएको छ । चीनको गोन्जाओमा ६ महिनाअघि दोस्रो महावाणिज्य दूतावास स्थापना भएको थियो । चीनको स्वशाषित क्षेत्र ल्हासामा यसअघि महावाणिज्य दूतावास स्थापना भएको थियो ।


२१ भदौ, काठमाडौं । प्रदेश नम्बर २ मा तेस्रो चरणको स्थानीय निर्वाचन आजदेखि औपचारिक रुपमा प्रारम्भ भएको छ । मधेसका ८ जिल्लाका कुल १३६ स्थानीय तहका लागि दलहरुले आज उम्मेदवारी दर्ता गराउने कार्यक्रम छ ।

सरकारले आगामी असोज २ गते दुई नम्बर प्रदेशका ८ जिल्लामा तेस्रो चरणमा स्थानीय चुनाव गर्न लागेको हो । बाँकी जिल्लामा बैशाख ३१ र असार १४ गते दुई चरणमा यसअघि नै निर्वाचन सम्पन्न भइकेको छ ।


आज बिहान १० बजेदेखि बेलुका ५ बजेसम्म प्रदेश नम्बर दुईका सप्तरी, सिरहा, धनुषा, महोत्तरी, सर्लाही, बारा, पर्सा र रौतहट जिल्लाका स्थानीय तहमा मनोनयन दर्ता हुनेछ ।

अघिल्ला चुनाव बहिस्कार गरेको राष्ट्रिय जनता पार्टीले समेत निर्वाचनमा सहभागिता जनाएकाले चुनाव शान्तिपूर्ण एवं उत्साहजनक रुपमा सम्पन्न हुनेमा सरकार र निर्वाचन आयोग दुबै विश्वस्त देखिन्छन् ।

तेस्रो चरणको चुनावबारे केही तथ्य यस्ता छन्ः

१. कुल ८ जिल्लाका १३६ स्थानीय तहमा चुनाव हुनेछ । यी स्थानीय तहबाट ६६२७ जना जनप्रतिनिधि निर्वाचित हुनेछन् । यस चरणमा हुने निर्वाचनमा मतदाताको कुल संख्या २६ लाख ६४ हजार ९ सय ५० छ ।

२. चुनावका लागि निर्वाचन आयोगले २१६६ मतदान स्थल र ३५७८ वटा मतदान केन्द्र तोकेको छ ।

३. यो चरणमा एक महानगर, तीन उपमहानगर, ७३ नगरपालिका र ५९ गाउँपालिकामा चुनाव हुँदैछ । यीमध्ये महानगरपालिका र उपमहानगरपालिकामा हुने निर्वाचनप्रति दलहरुको विशेष चासो देखिन्छ । चासो रहेका यी स्थानीय तहमा वीरगञ्ज महानगरपालिका, जनकपुर उपमहानगरपालिका, कलैया उपमहानगरपालिका र जीतपुृर–सिमरा उपमहानगरपालिका पर्छन् ।

४. निर्वाचन आयोगले महिला, दलित र उल्पसंख्यकलाई उम्मेदवारी मनोनयनमा लाग्ने शुल्क ५० प्रतिशत छुट दिने व्यवस्था गरेको छ ।

५. यो निर्वाचनमा विभिन्न ४४ वटा संस्थाका २ हजार भन्दा बढी पर्यवेक्षकहरुले निर्वाचन पर्यवेक्षणको अनुमति पाएका छन् ।

६. यो चुनावमा मुख्यतः नेपाली कांग्रेस, एमाले, माओवादी, राजपा, संघीय समाजवादी फोरम, लोकतान्त्रिक फोरम, राप्रपा र नयाँशक्ति लगायतका दलहरु चुनावी मैदानमा छन् । यी बाहेक अन्य सानाम पार्टी र स्वतन्त्र समेत चुनावी मैदानमा सहभागी हुँदैछन् । यी मध्ये पहिलो दल को बन्ने भन्नेमा ठूला दलहरुको चासो छ ।


काठमाडौं । कुनै वेला राजेश हमालको असली प्रशंसक थिइन् रसना पौडेल । हमालको अभिनय भन्दा पनि ब्यक्तित्ववाट प्रभावित थिइन । अहिले नायक प्रदिप खड्काको सौन्दर्यले भुतुक्कै बनाएको छ ।
चलचित्र प्रेमगीत-२ हेरेपछि प्रदिपको फ्यान भएकी रसनालाई प्रदिपको हिरोइन बन्ने मन छ । अहिले त प्रदिप अभिनित म्युजिक भिडियो र फिल्मकी नियमित दर्शक हुन् उनी ।
खासमा रसनाको मुल पेशा पर्यटन हो । नेपाल घुम्न आउने जुनसुकै मुलुकका पर्यटकलाई उनी सिटी म्याप दिएर सहयोग गर्छिन, त्यो पनि सित्तैंमा ।
नयाँ मान्छेलाई नयाँ ठाउँको वारेमा जानकारी दिनुलाई आफ्नो कर्तब्य ठान्ने रसना पारिवारिक विरासत धान्ने शिलसिलामा पर्यटन उद्योगमा आएको बताउछिन् ‘मेरो दाई आफैं पर्यटन ब्यवसायमा आबद्ध हुनुहुन्छ त्यहि कारण म पनि पर्यटनमा जोडिएँ ।’ उनले भनिन् ।
पर्यटनमा जोडिएपनि उनको रुची भने मोडलिङमा रमाएको छ । उदय र मनिला सोताङ स्वर रहेको ‘तिम्रो मुस्कान भन्दा मिठो…बोलको गीत मार्फत उनले मोडलिङ सुरु गरेकी थिइन् । यो विचमा आधा दर्जन बढी गीतमा मोडलिङ गरिन् ।
संगीता श्रेष्ठ निर्देशित फिचर फिल्म ‘कथा काठमाडौ’ मा पनि अभिनय गरेकी छिन् । भन्छिन् ‘राम्रा विषयमा बनेको फिल्ममा सुहाउदो भुमिका पाएँ भने अभिनय गर्छु ।’
गीत, संगीत र मोडलिङप्रति सानैदेखि रुची थियो उनको । पढाई र पर्यटन ब्यबसायमा आबद्ध भएकाले मोडलिङ केही ढिला सुरु भयो । उनको योजना अब मोडलिङलाई निरन्तरता दिने छ । ‘सबै काम एकै पटक सम्भव हुँदो रहेनछ । अब क्रमश अगाडी बढ्छु ।’ उनको भनाई थियो ।
मोडलिङले परिचय फराकिलो बनाइदिने अनुभव गरेकी छिन् उनले । घुम्न र फेशनेवल हुन मन पराउने रसना चाँडै गायनमा समेत लाग्ने योजनामा छिन् ।


कहिले कहिं पटक-पटक पिसाब लाग्छ । यसको एउटा मात्र कारण हुँदैन । सामान्यतः धेरै पानी वा तरल पदार्थ पिएको बेला पिसाब लाग्छ, जो स्वभाविक हो । त्यस्तै कहिले मानसिक कारणले समेत पिसाब लागेको अनुभव हुन्छ । गर्भावस्थामा वा बुढ्यौलीमा पनि धेरै पटक पिसाब लाग्छ, जसलाई सामान्य मानिन्छ ।
तर, सामान्य अवस्थामा पटक-पटक पिसाब लाग्छ भने, त्यसले शारीरिक समस्याको संकेत गर्छ । के भनिन्छ भने, पिसाब कति पटक फेरिन्छ भन्ने कुराले समेत हामी कति स्वस्थ्य वा अस्वस्थ्य छौ भन्ने कुराको निक्र्यौल गर्छ ।

हाम्रो जीवनशैली वा स्वास्थ्य खराब भएमा पटक-पटक पिसाब लाग्न सक्छ ।
दिनमा कति पटक पिसाब आउनु पर्छ ?
एक दिनमा कति पटक पिसाब फेरिन्छ ? त्यसले हाम्रो स्वस्थ्यबारे बताउँछ । सामान्यत एक दिनमा चारदेखि १० पटकसम्म पिसाब लाग्नु सामान्य हो । औसात व्यक्तिको मुत्राशयमा जति पिसाब जम्मा हुन्छ, त्यसलाई तीनदेखि पाँच घण्टासम्म अवधी रोक्न सकिन्छ ।
कुन अवस्थामा खतरानाक ?
यदि पिसाब गरेको समयमा जलन वा दुखाई महसुष हुन्छ भने यो चिन्ताको विषय हो । यदि सामान्य अवस्थामा पनि पटक-पटक पिसाब लाग्छ भने, त्यो समस्या हो । यसरी पटक-पटक पिसाब लाग्नु गंभिर समस्या पनि हुनसक्छ ।
राती कति पटक पिसाब आउनु उचित ?
खासगरी रातको समयमा पटक-पटक पिसाब लाग्छ भने त्यसलालाई गंभिरतापूर्वक लिनैपर्छ । राती निन्द्रा बिथोल्नेगरी पिसाब आइरहनुले विभिन्न समस्याको संकेत गर्छ । राती एक वा दुई पटकसम्म पिसाब फेर्न उठ्नु सामान्य हो । यद्यपी पटक-पटक पिसाब लाग्छ भने त्यसको उपचार खोज्नैपर्छ । यद्यपी बुढ्यौली उमेरमा छिटो छिटो पिसाब लाग्नु सामान्य हो ।
कुन अवस्थामा चिकित्सककहाँ जानुपर्छ ?
पिसाब गर्ने समयमा अचानक परिवर्तन भयो भने चिकित्सकको परामर्श आवश्यक हुन्छ । कहिले कहिं अधिक तरल पदार्थ सेवनले पनि पिसाब लाग्न सक्छ । तर, पटक पटक त्यो क्रम दोहोरिएमा चिकित्सकलाई भेट्नैपर्छ ।
के हुनसक्छ ?
पटक पटक पिसाब आउनुको कारण मुत्रनली वा मुत्राशयको संक्रमण हुनसक्छ । त्यस्तै मृगौलाको कार्यक्षमता कमजोर भएको अवस्थामा पनि पिसाब रोकिदैन, पटक पटक आइरहन्छ ।
१. मुत्राशयउको अत्याधिक सक्रियताको कारण पटक पटक पिसाब लाग्छ ।
२. मधुमेहको कारण पनि पटक पटक पिसाब लाग्छ । रगतमा वा शरीरमा शुगरको मात्रा बढेपछि यस्तो समस्या आउन सक्छ ।
३. यदि यूरीनल ट्रैक्ट इन्फेक्सन छ भने यस्तो समस्या झेल्नुपर्छ ।
४. प्रोस्टेट ग्रन्थी बढेमा पनि पटक पटक पिसाब आउने समस्या हुन्छ ।
५. मृगौलामा संक्रमण भएमा धेरै पटक पिसाब आउँछ ।
के छ उपचार विधी ?
जटिल अवस्थामा चिकित्सकको परामर्श लिनैपर्छ । यद्यपी यी समस्याको निदान घरेलु विधीबाट पनि खोज्न सकिन्छ ।
१. पर्याप्त पानी पिउनुपर्छ, जसले संक्रमण छ भने पिसाबको माध्यामबाट हटाउन सकिन्छ ।
२. दही, पालक, तिल, अलसी, मेथीको सब्जी दिनहुँ प्रयोग गरौ ।
३. सुख्खा अमला पिसेर चूर्ण बनाउने । त्यसमा सख्खर मिसाएर सेवन गर्नुपर्छ । भिटामिन सिले भरपुर खानेकुरा सेवन गर्नुपर्छ ।
४. अनारको बोक्रा सुकाउने र त्यसलाई पिसेर चुर्ण बनाउने । बिहान बेलुका यो चुर्ण पानीसँग सेवन गरौ ।
५. अंगुरको जुस, गाजर, अंकुरित गेडागुडी पनि फाइदाजनक हुनसक्छ ।

१८ भदौ, काठमाडौं । प्रत्यक्ष निर्वाचित कार्यकारी राष्ट्रपतिको पक्षमा वकालत गर्दै आएका नयाँ शक्ति पार्टीका संयोजक डा. बाबुराम भट्टराईले आइतबार विभिन्न तप्काका व्यक्तिहरु बोलाएर बहस चलाएका छन् ।

कार्यक्रममा एमालेका सचिव योगेश भट्टराईदेखि कानून व्यवसायी भिमार्जुन आचार्य र कांग्रेस नेता प्रदीप गिरीदेखि पत्रकार निर्मला शर्मासम्म पुगेका थिए ।
‘राजनीतिक स्थायित्व र विकासका लागि राजतन्त्र फर्काउनु अपरिहार्य’ कार्यक्रमको सुरुमै प्रकाशचन्द्र लोहनीले यस्तो अभिव्यक्ति दिए । तर, बाँकी वक्ताहरुले भने एक स्वरले जननिर्वाचित कार्यकारीको पक्षमा बोले ।
एमाले सचिव योगेश भट्टराईले एमालेले अहिले पनि निर्वाचित कार्यकारीको लाइन नछोडेको दावी गरे ।
उनले अहिले संविधानमा रहेको शासकीय प्रणाली अन्ततः फेल खाने ठोकुवा समेत गरे । ‘परिस्थितिजन्य कारणले विगतमा एमालेले संसदीय पद्धति स्वीकार गरेको हो’ उनले भने, ‘एमालेले प्रत्यक्ष निर्वाचित कार्यकारीको एजेन्डा बिर्सिएको छैन ।’
विगतमा माओवादीले दह्रो खुट्टा नटेकेकाले आफूहरु पछि हट्न वाध्य हुनुपरेको उनको दाबी थियो । भट्टराईले प्रत्यक्ष निर्वाचित कार्यकारी राष्ट्रपति वा प्रधानमन्त्री दुवै एमालेलाई स्वीकार्य भएको बताएका छन् ।
शासकीय स्वरुपसँगै समानुपातिक निर्वाचन प्रणालीको औचित्यमा बहस चलाउनुपर्ने उनको सुझाव छ ।
कांग्रेस नेता प्रदिप गिरीले आफूहरुले पार्टीभित्र पहिलेदेखि नै प्रत्यक्ष कार्यकारीको वकालत गर्दै आए पनि सफल नभएको बताए । ‘म र नरहरी -आचार्य)ले लविङ गरेका थियौं,’ गिरीले भने, ‘तर उहाँ बिरामी भएर ढल्नुभयो, म एक्लै परेँ ।’
शासकीय प्रणाली लगायत विभिन्न विषयमा असहमति भएकै कारण आफूले संविधानमा हस्ताक्षर नगरेको गिरीले उल्लेख गरे । उनले थपे, ‘कार्यकारी राष्ट्रपति हुनासाथै देशका सबै समस्या चट् हुन्छन् भन्ने होइन । तर, यसले राजनीतिक स्थिरता आउँछ र विकासको ढोका खुल्छ ।’
गिरीले संसदभित्रबाट मन्त्री छान्ने परम्परा पनि अन्त्य गर्नुपर्ने बताए ।
माओवादी केन्द्रका नेता शक्ति बस्नेतले आफ्नो पार्टीले संविधान निर्माणको अन्तिम घडीसम्म प्रत्यक्ष निर्वाचित कार्यकारी राष्ट्रपतिको वकालत गरेको बताए ।
अन्त्यमा बोलेका नयाँ शक्तिका संयोजक डा. भट्टराईले मुलुकको विकास र समृद्धिका लागि प्रत्यक्ष निर्वाचित राष्ट्रपति अपरिहार्य रहेको उल्लेख गरे । ‘विगतमा हामीले प्रत्यक्ष निर्वाचित राष्ट्रपतिको कुरा उठाउँदासर्वसत्तावादी कम्युनिष्ट शासन ल्याउन चाहेको हो कि भन्ने जनमानसमा शंका थियो’ उनले भने, ‘हामी तानाशाही स्थायित्वको पक्षमा होइन, प्रजातान्त्रिक स्थायित्वको पक्षमा छौं ।’
राजनीतिक स्थायित्व विना देशमा बाहिरी लगानी नआउने र विकासमा देश पछि पर्ने डा. भट्टराईले बताए ।
निर्वाचित राष्ट्रपतिको व्यवस्था भएमा एउटै जातको व्यक्ति लगातार चुनिनसक्ने कतिपयको आशंका रहेको उनले उल्लेख गरे । ‘यो आशंकामा दम छैन किनकि देशमा खस आर्य एक तिहाई अर्थात ३३ प्रतिशत मात्र छन् । २९ प्रतिशत प्रतिशत मधेसी र बाँकी जनजाति छन् । प्रत्यक्ष निर्वाचित कार्यकारीले जनजाति र मधेसीलाई पनि राष्ट्रपति बन्ने ढोका खुल्छ र राष्ट्रिय एकता झन् बलियो हुन्छ’ डा. भट्टराईले भने ।
नेपालको भू-राजनीतिक अवस्थतिका कारण प्रत्यक्ष निर्वाचित कार्यकारीको औचित्य बलियो बनेको उनले बताए । ‘उत्तर र दक्षिणमा विशाल छिमेकीहरु छन्, यदि हाम्रो राष्ट्रिय एकता बलियो भएन भएन भने उनीहरुले हेप्छन्,’ डा भट्टराईले भने ।
कसैको सिको गर्नलाई नभएर आफ्नो माटो सुहाउँदो व्यवस्थामा जानुपर्ने उनले बताए । ‘म जिउँदो रहुन्जेल राजनीतिमा सक्रिय हुन्छु र मेरै जीवनकालमा राष्ट्रपतीय प्रणाली आउँछ,’ डा. भट्टराईले ठोकुवा गरे ।
कार्यक्रममा कानूनविद भिमार्जुन आचार्य, पत्रकार निर्मला शर्मा, पूर्वगभर्नर तिलक रावल, लेखक युग पाठक लगायतले पनि बोलेका थिए ।

MKRdezign

Introduction to XXXXXXXXXXXXXXXXXXXXXXXX

Contact Form

Name

Email *

Message *

Theme images by Ollustrator. Powered by Blogger.
Javascript DisablePlease Enable Javascript To See All Widget